सिवाईसी नेपाल लघुवित्त वित्तीय संस्थाद्धारा वडिगाड गाउँपालीकाको कोरोना रोकथाम कोषमा सहयोग

११ जेठ २०७७

विश्व नै कोरोना भाइरस (कोभिड १९) संग लडिरहेको समयमा जिल्ला स्थित सिवाईसी नेपाल लघुवित्त वित्तीय संस्था लि. बागलुङले जिल्लाको एक पालिकामा आर्थिक सहयोग उपलब्ध गराएको छ ।
जिल्लाको वडिगाड गाउँपालीकाले कोरोनाको संक्रमण रोक्न तथा त्यसलाई महामारीको रुपमा फैलन नदिन स्थापना कोषमा संस्थाले २० हजार रुपैया प्रदान गरेको हो ।
गाउँपालीकाले स्थापना गरेको कोरोना भाइरस सक्रमण, रोकथाम, नियन्त्रण तथा उपचार कोषलाई संस्थाले उक्त रकम सहयोग गरेको हो । संस्थाको खर्वाङ शाखा कार्यालयका शाखा प्रवन्धक सुवास नेपाली सहितका प्रतिनिधिहरुले आइतबार गाउँपालीका अध्यक्ष मेयरसिंह पाईजालाई उक्त रकम हस्तान्तरण गरेका हुन ।
महामारीका रुपमा फैलीरहेको कोरोना भाइरसका कारण सरकारले दुई महिनादेखि लकडाउन गरिरहेको छ । लकडाउनका कारणले गरीवीको रेखामुनी रहेका यसक्षेत्रका गरीव, विपन्न, अशक्त परिवारलाई राहात होस भन्ने हेतुले पालिकाले सञ्चालन गरेको कोषमा संस्थाले उक्त रकम हस्तान्तरण गरेको हो ।
संस्थाले सामाजिक उत्तरदायीत्व अन्तर्ग विभिन्न समयमा आफ्नो कार्यक्षेत्रमा यस्तो सहयोग उपलब्ध गराउँदै आएको छ । संस्थाले लकडाउनका कारण आफ्ना सदस्यहरुलाई पर्न गएको असरलाई न्यूनिकण गर्न ऋणमा लिदै आएको ब्याजदरमा पनि ३ प्रतिशत विन्दुले छुट दिने व्यवस्था मिलाएको जानकारी दिएको छ ।